കേരളാ വനിതാ ഫുട്ബോള് ലീഗില് മലപ്പുറം ലൂക്ക സോക്കര് ക്ലബ്ബും കോഴിക്കോട് കടത്തനാട് രാജാസ് ഫുട്ബോള് അക്കാദമിയും തമ്മിലുള്ള മത്സരം. കളിയുടെ എണ്പത്തിമൂന്നാം മിനിറ്റില് വലത് വിങ്ങിലൂടെ നീട്ടിനല്കിയ പന്ത് ലൂക്ക യുടെ പന്ത്രണ്ടാം നമ്പര് താരത്തിന്റെ മുന്നിലേക്കെത്തുമ്പോള് തൊട്ടടുത്തായി നിഴല് പോലെ എതിരാളിയുമുണ്ടായിരുന്നു. ഫിനിഷിങ് ലൈനിലേക്കടുക്കുന്ന ഒരു സ്പ്രിന്ററെ പോലെ തീര്ത്തും അപ്രതീക്ഷിതമായ ആറ് ലോങ് സ്ട്രൈഡുകള്. ആ കുതിപ്പില് ഡിഫന്ഡറെ ഒരു കയ്യകലം പിന്നിലാക്കി പെനാല്റ്റി ബോക്സിനകത്ത് പന്തിന് തൊട്ടടുത്ത്. രക്ഷപ്പെടുത്താനായി മുന്നിലേക്ക് ഓടിക്കയറിയ…